Meri Nazar...

meri nazar se dekh tu
har or ujala hai
jhadte phoolon me bhi ehsaas khudaya hai
pankho ko tutne na de,udte ja tu
saath hamesha mata pita ka saaya hai.
aashayon k bal se palkon ko jhapakne na de
jaagti aankhon ne hi toh sapna sajaya hai
andhere se na dar,raat ka samna kar tu
aisi raat me chamkega tera,sitara hai
kiran kabhi mit ti nahi,mehsoos karle tu aaj
yeh mashtishk hi toh tera,suraj banaya hai.
ni-dar,nishpacsh,nirbheek yeh na wale shabdon ne hi
teri zindagi k na ko ghataya hai
tujhe us or bhadaya hai,jahan tere pad-chinho ka sarmaya he
meri nazar se dekha jo tune,yeh khel nirala hai
tune hi har or failaya ujala hai
tere charadon me unhi jhadte phoolon ka paya hai
meri nazar se dekh tu,har or ujala hai